（质疑自己做男一能力？）一定唔会！虽然自问前半生唔算顺风顺水，有段时间事业仲入咗困局，但近年机会真系多到不得了，如果呢啲机会喺我后生时出现，系咪会有一个唔同嘅艾威？系！但真正结果冇人知，人生系种比较，我系既悲观又乐观，咁我演艺事业以外嘅际遇都唔错，有好嘅朋友、家庭同健康！」
艾威表示：「命运、机会都在我手！」他说：「我冇宗教信仰，即使太太患病（子宫生巨瘤），咁人生无常，都冇令我改变睇法！（对太太无法为你生育感难过？）其实唔一定要传宗接代，我冇因为太太嘅病而喊过，低沉就有，事实上佢病嗰期，啲人忽然对我注意力多咗，托赖佢依家大步榄过，虽然佢讲嘢语气又重番，都系病嗰时脾气好啲！讲笑啫，我想佢健健康康，好好珍惜一齐嘅时间！」
